MELC Bishop Report 2010

Manipur Evangelical Lutheran Church huong sunga Mangpa grep huona seppi azatathuai Moderator, MELC Uliante, Siampite, District chin a Chairman leh Secretaryte, Numei lamkai, Khanglai lamkai, Khochin a vaihawm, Khawmpi mang dinga hingkuon mipite i Pa nasepna dinga i kikhaikhawmna uh Manipur Evangelical Lutheran Church (MELC) Pawlpi min leh i hundampa uh Jesu Christ min in chibai kahing bawl uhi. I Pa Pasian itna, Tapa Pasian lungsietna leh Hagau Siengthou Pasian umpina na tung uoh um tahen. Tami a 9 veina MELC Kumtawp Vaihawmna 2010 Bishop report pethei dinga hinna leh damna hing guon, a banthahat na toh hing pui, Israelte sun a meilum, zaan a meikuong a puipa, eite puipa tungah thupina, minthanna um tahen. Kum 2010 sungin i Pawlpi sungah i mimuon leh it mama tampiten khawpi siengthou lam a hingna zotsanta ua, a maute min kasim sungin i dapi leh ithuohpi uh suhlatna in mipite ding chiet va ui.

2010 sunga peimasate

1. Upa Kamhatthang – Kamdou veng
2. Pa Kappau – Tuibuang
3. Upa Hualkhosoi – Sangaikot
4. Upanu Chiinniang – Sangaikot
5. Pa Nehgin – Sangaikot
6. Pa Nengchinlal – Tuaitengphai
7. Pa Khamsuonmang – Tuoitengphai
8. Pa Mangpu – Mata Mualtam
9. Tv. Mangnou – Moreh
10. Ms. Mankhoching, Sangaikot
11. Upa Kamzakap – Moreh
12. Pu Gindal – Moreh
13. Ph. Chinkhankhup – Moreh
14. Pa Thanggoulal – Moreh
15. Upa Khuphau – Behiang
16. Pa Ginzakhai – Zou Bethel
17. Pa Kumar, Zomi Colony

January 2010:
15-17 : ELWA HQ. Golden Jubilee MELC Compound, Zomi Colony ah nei ahia, MELC Bishop in Kum 50 chinna Golden Jubilee suong “Kipatdohna Suongpi” honna a nei hi.
21-24 : Khanglai LYF HQ. in Khangpidaw Gospel Olympic Khawmpi, Singngat khuo ah um a, MELC Bishop main speaker ahi. Zingun, Pu Sesei Zou, Pu Hangkhanpau, Upa S. Zamzalam, Pu M. Tongthang Manlun, Rev S.K.Manlun leh Pu Haukholian te ahi uhi.
29-31 : MELC Council/Vaihawmna Headquarter Church, Zomi Colony ah um a, MELC Bishop in Pawlpi Upa mi 5 ordained in Pro-Pastor 3 induction bawl hi. MELC Website honna D/M in anei hi. Tualeh MELC gam sunga sum bulpi lam a petam pente Pahtawina in Bishop in “MELC TOP 10” te piehkhietna a nei hi.

February 2010:
01-03 : Moreh a Mangnou funeral service vakinei hi.
22 : Church of Sweden apat Pu Anders Salomonson in MELC Pawlpi vena ahing nei a, MELC Partner ding toh kisai January 2011 chieng leh UELCI Round Table, Chennai ah genkhawm vai chin ei thuvai hah uhi.

March 2010:
Guwahati a Life Word Mission Team lamkaite leh Rev. Rudy Torres te USA kimupi dingin MELC Bishop sawl ahia, tam toh kisai in Singngat leh Zomi Colony ah vaiguon ani in lawchingtah a zah ahi.

April 2010 :
12-23 : Rev. Langkhanthang in Leadership Training for lay people chi thupi a nei in Zomi Colony ah hun hing zang uhi.

May 2010 :
4-7 : Southern Manipur Gospel Centenary Celebration Lamka Public Ground ah thupitah in nei ahia, MELC Pawlpite zong mite theiphah leh gen in i umthei ta uhi. Lasah, thugen leh choreography ban ah Master of Ceremony leader in MELC Bishop zong pang a, ahoi bawl lawi ki hi dan e!

June 2010:
5-13 : Rev. Rudy Torres Leadership Training, Zomi Colony leh Singngat ah ahing neisah hi.
25-27 : 13th Life Word Seminar, Zomi Colony ah mipi 650-700 kikal mipi peikhawm in kinei a, Thugenpi in Rev. Pastor Song, Pastor Lee, Pastor Kim, Pastor Ellien Gangte, Evan. Joy pang a, MELC Bishop in ham let hi.
29-30 : Lutheran World Service India Trust ten a staff te uh mi ni Mr. Domanic leh Mr. Alam Mautam toh kisai in ahing sawl ua, mun leh muol Singngat area, Kailam area leh Office ding, residence ding leh Godown ding etsahna zong kinei hi. Domanic Topno Assistant Manager pen April hasung a zong khatvei hing visit zou ahita hi. Agent supply form leh contact ding mi Imphal ah 4 leh Lamka ah 4 ala ua, tuazou in Mr. Samir Gupta Singh, Procurement Manager ahing haw kia hi.

July 2010:
20 : MELC Pastor ten akhat veina kimukhawm na vaiguon kinei in mailam hun a Pasian gam nasepna pan lah ding dan ngaituokhawm na kinei hi.
27-28 : Mr. Johnson in MELC leh NMSI te pangkhawma Tribal Girls Hostel lam ding thu toh kisai in visit ahing bawl hi.

August 2010:
14 : Kiginni in 27 Sector A/R Commander Brig Surendra Meehta toh kithuo in Muallum ah One Day Free Medical Camp nei hi a, Bishop in thumna toh valan hi.
28 : First Visit to Lutheran World Service India Trust, Kolkata Mautaam toh kisai in a Lamkai uh Executive Director LWFS Dr. James Vijayakumar Pawlpi min in kimupina avakinei hi. Ahing advice dan in Project Management Committee ah Govt. representative, NGO representative ding in mi ni kiguong hi.
31 : Shillong ah Martin Luther Christian University Churachandpur Manipur a Extension bawlsah ding policy toh kisai in ngetna MELC Bishop in ava nei hi.

September 2010:
28 : NMSI Office Chennai avakipha kia a, Hostel lam ding thu atha in akitheisah kia hi.
29-30 : Kumchin a i bulpi UELCI in Enlarge Executive Meeting Chennai ah nei ua, tuanah MELC Bishop vapang hi.

October 2010:
MELC Pastors’ Meet-cum-Gospel Tangkou Patron Memberte kimutuona Zomi Colony ah um a, tuanah Rev. Hauzalian, Founder Editor of GT hing pang in houlimna anei hi.
6-11 : Mr. Samirgupta – Procurement Manager of LWSIT Kolkata in visit hing nei kia a, Imphal leh Churachandpur sungah Kol Mahajon 8 address leh contact detail te hing khawm in, tuozou in Delhi ah Procurement Manager te training in kuon kia hi.
Pawlpi Kibelap:
10 : Sunday in Mangpa nasep khawmpi dingin Belpuon ten i lah ma un MELC in ki form ua, Working in agen zou in Moderator MELC leh Upa Kaikhohau, Chairman Lamka Dist. ten confirmed na va nei uhi.
11-13 : America gam a Lutheran Pawlpi lamkai The Rev. Dr. Franklin Ishida leh Dr. Richard Sarker ten MELC visit hing nei uhi. MELC in Memorundum zong kipia hi. Direct partner a kipawlkhawm ding dan Bishop Chamber ah well wisherte toh neipi ahi.
15th : Vondei Sauliim Building hing lampieh Pi Mannuomching, SDO leh Pi Jacintha Lazarus DC nu’n tungtawn in building tha khat inei uh, DC nu’n Honna nei in, Bishop MELC in latna nei a, inn hon ahinuo in Moderator MELC in Tribal Girls Hostel lamna ding mun ground breaking leh foundation suong phumna nei hi.
24 : Pasianni in Pahmuol khuo hattuom MELC adia lah lutna MELC Bishop in vanei in, khomipiten zong Bawng khat gou in mipi vaidawnna thupitah in na bawl uhi. Behiang Sub-District in zong Bishop leh ateamte annkuong nalui ban uah Pahmual a hing kilelam in Suongphu Hattuom in Bishop Vaidawnna’n gan gou in na kikhoppi ua, kikhop zouzou in Lamka lam peisuoh ngal uhi.

November 2010:
6-10 : Kolkata ah NEICORD in Exposure Tour leh Pawlpi’n mailam hun a Pasian nasepna dinga kipawl khawmpi ding leh Lutheran World Service India Trust te Office pha ding in ava kizin hi. Mautam kiel panpina alawchin lou leh zumhuoi taluo ding ahi chin Lamkaite kimupina ava kinei kia hi.
28 : Gundung Dist. Khuoinuoi ah Pastor quarter honna leh khosung suhsiengna/maitam Pa Mangpute nupa’n ang chielna toh vakinei a, Pa Mangpu hausapa’n mipi/khawmpi mangte annkuong luina anei hi.

December 2010:
6-10 : Saite Diamond Jubilee Suong “Suohtatna Suongpi” honna MELC Bishop in nei uhi. Aina aum 38th Assam Rifles ten Bishoppa vaidawnna in lunch na bawlpih ban ah Saite tanzong vapha ua Military Civic Action tungtawn in panpina pe dingin mipite kungah genna nei hi.
11-12 : Kiginni leh Pasianni sun 1pm in Mission Sale 2010 Zomi Colony MELC Compound ah kinei in Sale 2010 honna a zinlian Pu Lhukhosei Zou, Chairman ADC Chandel, Manipur in nei a, Sale Mother in Nu Lamniang pang a, VIPs tampi’n uop a zinlian teleh VIPs te, mipi van hing tuoh, hing zuosah ban ah hing leisahte tung ah kipahthu igen uhi. (Donate, Sale & Buy) chi ahi. Pu Shesei Zou, Chief Guest in Mission Sale panpina in Rs. 10, 000/-, Pa Chinliankhup in parcel in Mission Sale panpina in Rs. 2, 000/-, Chandel MDC mi nite’n Rs. 2, 000/- tuoh ban ah Sale Mother Nu Lamniang in VIP Pakage Rs. 1, 000/- in hing leisah a, tualeh Pi Mannuamching, SDO Sap in azing ni’n Chief Guest in hing pangsah a, Mission Sale panpina in VIP Package Rs. 1, 500/- in hing leisah hi. MELC Mission Sale 2010 a kimu Total in Rs. 76, 900/- (Rupees Seventy six thousand and Nine hundred) only apha hi. Mangpa’n loupina tanghen.

Kum 2006 apat 2010 tan thei khamkham a Pasian na isep na uh a tom lam in envai. MELC TOP 10 te ban ah eima kho chiet in Pasian na isep na uh enchiet vai. Sepgual zong eima District wise chiet tahlatna tuoleh siltha inei khiet Vondei Sauliim Building, NMSI-MELC Tribal Girls Hostel, Pastor Quarter Khuoinuoi, MELC Sale 2010 Shillong Lutheran Church, MELC Delhi etc. Mangpan Pawlpi a guolzawl a, abelap a, a umpi a, siltha leh tupguh nei thei a siam ziehin Nou Pasian mipite kungah MELC Pawlpi sih leh tangin Pasian min in kipahthu kahing gen hi. Mangpan MELC Pawlpi gualzawl tahen. Halleluiah!