MELC Bishop Report 2010

Manipur Evangelical Lutheran Church huong sunga Mangpa grep huona seppi azatathuai Moderator, MELC Uliante, Siampite, District chin a Chairman leh Secretaryte, Numei lamkai, Khanglai lamkai, Khochin a vaihawm, Khawmpi mang dinga hingkuon mipite i Pa nasepna dinga i kikhaikhawmna uh Manipur Evangelical Lutheran Church (MELC) Pawlpi min leh i hundampa uh Jesu Christ min in chibai kahing bawl uhi. I Pa Pasian itna, Tapa Pasian lungsietna leh Hagau Siengthou Pasian umpina na tung uoh um tahen. Tami a 9 veina MELC Kumtawp Vaihawmna 2010 Bishop report pethei dinga hinna leh damna hing guon, a banthahat na toh hing pui, Israelte sun a meilum, zaan a meikuong a puipa, eite puipa tungah thupina, minthanna um tahen. Kum 2010 sungin i Pawlpi sungah i mimuon leh it mama tampiten khawpi siengthou lam a hingna zotsanta ua, a maute min kasim sungin i dapi leh ithuohpi uh suhlatna in mipite ding chiet va ui.

Zou Christianity

INDIA CONTEXT: (JCA, MCC, MPC, MGP, ABFM, ZCC, ELCC, MELC)

January 11, 1894 ni in Lushai Hills ah Missionary Rev. F. W. Savidge (Sap Upa achi uh), Rev. J. H. Lorain (Pu Buonga achi uh) leh Rev.D. E. Jone (Zo Saphlui achi uh) ahin tung ua, Pasian thu ahing pawluutta uhi. Mizoram ah kum 3 sung a um ua, Lushei ham azil uhi. Tam hunsung in Roman Alphabet apat in Lushei laiteng A, AW, B, Ch …. Laibu khat ahing bawl khie uhi. Hun tomkhat zou, Lushei ham ahing siem nuo un Mizo ham in Laisiengthou Luke, John leh Nasepte khu Lushei ham a let in ahing sutpiehta uhi. Tuochi’n 1917 tan in Thuhuntha – Mathew apat Kihilna tan ahing suntan uhi.

Ngaidamna: I phulou lunsim thoidamna nasep

~ Tungnung Zamlunmang Zou

Tam article ahileh MELC Delhi Local Pastor in inlam a suty a’ng peisan ziehin ut-lou chamlou a Pasian thu hing gen ngaina mun a ka ding ziehin ka sermon ding thu toh kisai them khat ka gel khiet pen ka hing suhsau deu ahi, Ni bangja ahei khat bangthu ki gen ding ahi’a chi a kaki ngaituo dedu lai in ka lungsim ah bangma hing lutlou hi. Lunsim a thum kawm a ka ngaisut charchar lai in Ngaidamna chi hing kilang hi. Ningkum a ka lawmte khat in Ngaidamna haupa angchi pen ka lunga hing kilang ahiman in, atam sem nei thei ahikha leh chi’n ngaidamna thu Peter in Jesu kunga a doh pen ka suita hi. Thu gen ngeilou akihi man in bang chi ki suongtuo ding chitoh ka buoi khop nalai hi. Tam banga ka ngaisut veng vung lai in Mathew 18: 21-35 tungtawn a houlimna nei hileh chi’n tam anei ate kang guolta lemlum mai hi.

PASIAN KAMMAL PUAN KHIETDING

~ Upa Kaikhohau, Zomi COlony

PULAHNA THU: Puankhiet apoimawdan kigelna laibu khat kasim akipan, kalungsim ah Pasianin eidinga thu anagen leh ana nuasiete, athupina akilah theinadinga i kam mama toh puanzelding chi, kangaituana ah ahing pienga, tuachin, kadamlou hunchiengin “A Vuahna hualtai a suh dam kahita” chin kapuanga damna kanga hi. Kahatlou chiengin “Kahat hi” chin kapuanga katha ahinghat zelhi. Ka tahsap chiengin “A kining ching hing” chin kapuanga kaki ning ching zelhi. Kalungkham chiengin, “Mangpa kakipah hi”, kachia kakipah zel hi. Nasem kagim chiengin “Halleluijah Halleluijah” kachia, katha ahing thou zel hi. Hasa kasha chiengin “Zaw ahita” chin kapuanga kazouzel hi.
Tambanga Pasian kammal kapuante athunei Pan keiadinga damna hatna asuahsah bangin tam laibu simzousien Pasian thute puanzela, athupha tang chiet dingin iki vai hahi.

“Ei ading in nausen khat ahing pieng hi” Isai 9:6, Luke 2:7

- Pastor T. Kamsuanlal

Hattuom mi siengthoute na umpi un Khristmas Chibai! Tukum Khristmas masanga Pasianni nukhie pen tan mang thei a Pasian hepina itanna tungah Pasian in thupina tang hen. Khristmas kuon ahitoh kituoh in Jesu hing pienna dinga sil bang bang hing um a, bang hing chi pien amah chi kikum lei uthuoi kasa hi.

Akhtna ah: Leitung mising simna toh kisai a ette tuohte ahileh:

a). Tam pen Jesu pien ding toh kituohkha hilou in Zawlnei Micah in Jesu Bethlehem a pieng ding ahidan thu ana gen, Joseph leh Mary te Nazareth khuo a teng ahizieh uh ahi hi. Pasian in Rome lengpa a control a Bethlehem apien theina dinga Lengpa’n thukhaam a suoh ahizieh bou ahi.
b). Pasian in leitung a leng leh lalte a thu thu a a sawi thei kilatsahna di umlou chi akilat theina di ahi bou hi.
c). Jesu gingta a Pa deilam bawlte vangam Census kelnguoinou hinna laibu a gellut ahina kilatsahna ding ahi.
d). Kisimpina a Judahte a tellou um theilou, tuomi banga misie leh mipha, i hoina leh isietna, isep bang bang Pasian mitmu a i nichin hinkhuo a iki gellut zing uh kilatsahna ahi.